ازاي اعاقب ابني من غير ما اهينه و اخليه يتعقد ؟؟!!! انا محتارة !

شوفي حضرتك .. القاعدة الاولى اللي لازم كلنا نعرفها قبل ما نفكر نعاقب ولادنا هي ان الأطفال ذاكرتهم قصيرة المدى ((children has short memory)) .. يعني بينسوا بسرعة .. بس للأسف في موضوع العقاب ده بالذات بيكون نسيانهم انتقائي .. يعني هما بينسوا اتعاقبوا ليه بس مينسوش ابدا العقاب نفسه ?
وعشان القاعدة دي بالذات لازم نعرف و نلتزم بالآتي:

اولا: مهما تعاقب ابنك او تعاقبي بنتك على حاجة .. لو شافك انت بتعملها عمره ما هيبطلها .. هينسى دايما هو اتعاقب ليه و هيفضل يقلدك .. مينفعش تعاقب ابنك على الكدب مثلا وهو شايفك بتكدب .. مينفعش تعاقبي بنتك على الزعيق و الصوت العالي و انتي صوتك جايب اخر الشارع .. خليك دايما واخد بالك من تصرفاتك لأنهم في الاخر مهما تعاقبهم هيقلدوك برضو Be a Role model

ثانيا: العقاب ميبقاش عمال على بطال .. في الاخر الطفل هينسى هو بيتعاقب ليه من كتر العقاب .. فوتي شوية يا فندم .. متعاقبيش على الاخطاء الصغيرة و التافهة و غير المضرة .. اعملي نفسك مش شايفة ووجهيه بعديها للصح

ثالثا: العقاب لازم يبقى فوري وقت وقوع الخطأ .. عشان يرتبط في ذهن الطفل بالخطأ .. مفيش حاجة اسمها تحوشيله و تكتمي في نفسك و تنفجري مرة واحدة !! كده عقابك هيبقى شديد على الفاضي و الطفل مش هيفهم هو اتعاقب ليه اساسا !!

رابعا: الغلط لازم يفضل غلط .. يعني الخطأ اللي اعتبرتيه جسيم و يستحق العقاب .. مينفعش لما يعمله تاني ميتعاقبش عليه .. كده ابنك هيقول ايه الست اللي بحالات دي ؟؟ .. مش عايزة تعاقبيه عليه تعملي نفسك مشوفتيهوش ..

خامسا: خللي ديما العقاب مرتبط بالخطأ .. يعني لو كسر لعبته .. يبقى مفيش لعبة تانية .. لو عمل شقاوة في النادي يبقى محروم من النادي لمدة محددة .. عشان يعرف دايما ان خطأه له عواقب و نتايج مرتبطة بالخطأ ده .. مش مثلا كسر لعبته يبقى محروم من التلفزيون !! ايه علاقة ده بده ؟!!

سادسا: متهدديش بعقاب ابدا و انتي مش متأكدة و مصره انك تعمليه .. هتهددي بعقاب يبقى لازم يتنفذ لو الخطأ حصل .. التهديدات المتكررة اللي في الهوا دي بتخللي الطفل يستخف بيها

سابعا: التهديدات من قبيل : انا هموتك .. انا هدبحك .. انا هكسرك ممنوعة تماما تماما .. انتي بتربيه مش بترعبيه !!

ثامنا: التحذير بالعقاب يبقى واضح و مباشر .. يعني مفيش حاجة اسمها اوعى تعمل كده لأوريك ?.. يعني يبقى بالصيغة دي: لو مرتبتش الاوضة بتاعتك من اللعب .. اللعبة الفلانية مش هتطلع تاني لمدة اسبوع .. تحذير من عاقبة واضحة و صريحة لفعل محدد

تاسعا: مفيش عقاب قصاد حد !! لا قريب ولا غريب .. علاقتك بابنك و علاقتك ببنتك لازم تبقى زي علاقتك بمراتك .. خلف الابواب المغلقة ! نقول تاني .. الغرض من العقاب هو التربية و التقويم .. مش الاهانة و الفضيحة !!
((انا مش هنسى الام اللي جات عندي بابنها في الكشف و بقول للولد هتبقى شاطر عشان ماما تجيب لك الشوكولاته اللي بتحبها .. فهي ردت عليا و قالتلي لا يا دكتور هو متعاقب ومحروم من الشكولاته .. عارفين رد فعل الولد كان ايه ؟؟ الولد بص لامه و انفجر و قالها كفاية يا ماما حرام عليكي كل ما تقابلي حد تقوليله اني متعاقب كفاية !! و انفجر في العياط !! كان هاين عليا اخنق الأم)) انتو بتربو عيالكم مش بتذلوهم !

عاشرا: اذا اردت ان تطاع .. خللي اوامرك و قوانينك و الاهداف اللي انت طالبها من ابنك set goals قابلة للتطبيق .. متحطش هدف لابنك و انت عارف انه مش هيقدر يعمله و بعدين تعاقبه عليه !! .. الاهداف و القوانين دي لازم تبقى ثابتة و متتغيرش على حسب المزاج و الوقت

الحادي عشر: قولناها ١٠٠ مرة و بنعيدها ممنوع منعا باتا اي حد ايا كان يعلق على عقابك او يعترض عليه قصاد الطفل .. حتى الاب و خصوصا الاب .. العقاب يتنفذ و يكمل حتى لو حضرتك مش مقتنع بيه .. اللي يتقال عليه لا يبقى لا .. الكلام و النقاش بينكم يبقى بعيد عن الطفل

الثاني عشر: لازم تعيد تقييم نتائج عقابك من فترة للتانية .. ميبقاش مش جايب نتيجة و تبقى مصر عليه و بتضرب كف بكف مش فاهم ليه ابنك مش بيستجيب .. نفسيات الاطفال مش زي بعض اللي بيجيب نتيجة مع طفل مش شرط يجيب نتيجة مع طفل تاني

و اخيرا و اهم حاجة في الموضوع لازم نعرف ان العقاب بيجي في الاخر بعد التوجيه و الشرح و الاقناع .. اقعدوا مع ولادكم .. العبوا معاهم .. قربوا منهم .. اتكلموا معاهم ..

امدحوهم كتير و كافؤوهم على كل حاجة كويسة بيعملوها .. مش كده و بس .. امدحوهم كمان على كل حاجة وحشة مش بيعملوها .. المكافئة reward دايما و ابدا بتجيب نتيجة افضل بكتير من العقاب

**تدريب خلع الحفاض** الحفاضات بقت فى مستوى المواطن المليونير فمقدامناش بديل
***بداية كده امتى تعرفى ان ابنك مستعد للبوتى ؟؟
1-غالبا هيكون فى حدود سن السنتين ..وبما ان الاطفال مختلفه عن بعضها فممكن يكون بعد سنتين وده على حسب طفلك لكن مش قبل سنتين ليه؟؟؟
الطفل عضلاته القابضة اللي بتتحكم فالتبول اراديا بيكتمل نموها بعد سنتين ,ومش بيوصل للعضلة دى اشارات من المخ قبل سنتين فمنضيعش وقت
الطفل مش حيستوعب الاوامر اللى حنديهاله والخطوات اللي حنمشيه عليها قبل سنتين .
-التبول والتبرز اللارادى قبل سن سنتين عند الطفل بيسببله متعة لو حرمناه منها بيعمله مشاكل نفسبة
2-لازم يكون بيفهمك وبينفز الاوامر اللى بتطلب منه ويكون بيقدر يعبر عن اللى عاوزه مش شرط بالكلام ممكن بالاشاره او بتعبيرات وشه
3-انه بقى بيعرف انه بيعمل حمام على نفسه ولما يحس بضيق بيشاولك على مكان البامبرز عشان تغيريله
4-او يكون بيحس باحراج وخصوصا لما يعمل ستوول وياخد مكان بعيد زى القطط كده ?
5-انك تلاحظى انه بيعرف يتحكم فى نفسه وخصوصا الستوول لما يكون بره البيت
6-انك تلاحظى انه بدا يبقى على فترات متباعده البامبرز بتاعه جاف

***طيب فعلا لاحظتى كل ده وعاوزه تبداى طيب ايه الاستعدادات الاول :
1- يفضل فى فصل الصيف عشان ميتعبش لانه اغلب الوقت هيقعد فتره طويله عل البوتى بدون ملابس
2-خديه معاكى واشترى البوتى(النونية) ومش هوصيكى الوانات وحركات بقى.. وانت بتشترى البوتى اشتريله الاندرز بتاعته برده شكلها ملفت عشان يبقى حابب التجربه دى
3- خلى البوتى فى الصاله (ديكور يعنى ) اول كام يوم وافضلى كلميه وحببيه فيه …مثلا يعنى : الله شوفت البوتى جمييل ازاى ..عايز تعمل فيه ..عشان نسقفلك ..وعاوز تلبس الاندر الجمييل ده .واااو ..واى كلام اهبل من ده تشجييع يعنى
***طيب هتبداى ازاى ؟
1-حطى فى اعتبارك انه ممكن جدا يتعلم بوتى فى اسبوع وممكن فى شهور فمتقارنيهوش بحد
2-حطى البوتى فى الحمام وكل نص ساعه يقلع البامبرز ويقعد طبعا بتفهميه بطريقتك انه يعمل
3-بما ان القعده هتطول ..خدى معاكى اى لعبه ليه يكون بيحبها ..وشوفيلك كرسى واقعدى يا حبيبتى
4-طبعا فى الاول مش هيعمل فيه الا لو صدفه وساعتها لازم تعملى فرح العمده ..وممكن تاخدو سيلفى كمان .المهم يحس انه عمل انجاز ..احكى لباباه وللجيران ..متسبيش حد ههههه..ده غير المكافاه بأه (اى خاجه بسيطه كتشجيع)
5-اول كم يوم بيفضل لابس البامبرز .مجرد بس ان كل نص ساعه يقعد شويه ويقوم يلبسه تانى …ده اسهلك انتى
6-مع الوقت هيبدا يتعود انه بيقعد كل شويه وهتصادف انه يعمل فى البوتى ..وطبعا اى مره البامبرز فيها بيتبل لازم تفهميه براحه ليه عمل كده ..وكده مش حلو وشجعيه تانى ومتيأسيش
7- بعدين قلعى البامبرز خالص بقى ..وكل نص ساعه برضه يقعد .وبالتدريج هتخليها كل ساعه وهكذا …
8-لازم تلاحظيه اول مايشاورلك او تحسيه واخد جنب كده ..جررررى عل الحمام ..واساليه وفكريه كل شويه
9-طبعا وانتو خارجين ..لازم النونية برضه ..ممكن ساعتها تحطى فى شنتطته البوتى اللى هو cover للتويليت ده ..زى الصوره كده ..هينفعك لو روحتى اى مكان بره البيت
****التدريب الليلى ؟؟
1-مش قبل 9 شهور من بداية تدريب النهار يعنى لازم يكون بقى جاف بالنهار ساعتها ممكن تفكرى تبداى وبرضه يكون مش قبل 3سنين ونص (يعنى قبل مايتم 4 سنين بكم شهر كده )
2-خليكى فاكره انه اغلب الاطفال لحد سن 4 سنوات بيكونو جافين بالليل ..بس مفيش مشكله لو كل فتره يكون فيها مره او اتنين عدم جفاف بالليل حتى 5 سنوات
3-قلعيه البامبرز عشان يحس بالبلل وهو نايم وحصنى السرير طبعا بطريقتك …يشرب طول النهار مياه كافيه لحد اخر لحظه قبل النوم ولازم بعديها يدخل الحمام
4-لو شرب مياه اثناء النوم لازم يدخل بعديها الحمام …وبرضه حتى لو مشربش لازم فى الاول يصحى مره اثناء النوم يدخل الحمام
5-لو بل نفسه وهو نايم صحيه وغيريله وغيرى السرير وايدى النور ..كل القلق اللى بيحصل ده هيشجعه يتحكم فى نفسه بعد كده
6 -متنسيش برضه التشجيع والمكافأه بعد كل ليله جافه
****شوية ملحوظات ****
1-بداتى بدرى وجربتى لفتره طويله وفشلتى اصبرى شهرين تلاته وجربى تانى مفيش مشكله
2-الطفل بنسبه كبيره بيكون جاف بالنهار عند 3 سنين وجاف بالليل عند 4 سنين ….لكن مفيش مشكله انه يفضل لحد 4 سنين لحد مايبقى جاف بالنهار تماما ..و لحد 5 سنين لحد مايبقى جاف بالليل تماما
(طالما بتصادف اكتر من يوم انه يكون جاف )
3-لو بعد 3 سنين ولا مره قادر يكون جاف بالنهار بيفضل تطمنى عليه الاول عن طريق كشف مسالك وعمل بعض تخاليل البول والاطمءنان على عضله وصمام المثانه .غير كده استبعاد الامساك او السكر او الديدان او التهابات مجرى البول ..ونفس النظام لو بعد 4 سنين ولا مره جاف بالليل وهنا هيكون معاها نفس المشكله بالنهار
4-ممكن جدا يكون مفيش سبب عضوى لكن فيه سبب نفسى وهنا غالبا الشكوى هتكون(( الطفل كان ماشى كويس وبدا يبل نفسه)) ..طبعا اسباب كتير بس اولها الكشف وتحليل بول زى ماقولنا غير كده سوء المعامله .سواء فى البيت او بره البيت…فيه فرق معامله بينه وبين طفل تانى ….حاسس بعدم اهتمام … سوء المعامله ممكن جدا يعمل اضطراب سلوكى عنده فى صوره العناد مثلا وانه يقصد يبل نفسه قدامك
لكيت على دماغكوا كتير معلش بس المهتم مش حيمل من القراية وحيستفيد


….انتى مفتاح سعادة أسرتك . ..
….والغرض من هذه المحاضرات هو. ..إن نبدأ معا خطوات جديده ونطور من اسلوبنا وتفكيرنا وطريقتنا فى التعامل مع الزوج والأولاد حتى تكون أسرتنا أسره سعيده. ..أسره صالحه. ..
….وانا عايزه يكون عندكم استعداد لهذا التطوير والتغيير والارتقاء إلى الأفضل. ..
….لمسات بسيطه و صغيره ممكن تجعل حياتنا أفضل واسعد. …
….ومش عايزه ارى تعليق سلبي. .لن أستطيع. .أو صعب التنفيذ. .أو ما شابه من التعليقات التى أظن أن أصحابها استسلموا لواقع صعب وضغوط شديده وليس عندهم عزيمه للنهوض إلى الأفضل
….نحن فى هذا الجروب نعمل كل ما فى وسعنا حتى نسعد الاسره. ..ونقدم كل ما يفيد فى تربية الأولاد. ….وكل ما يسعد الزوجان. ..لأن السعاده بين الأب والأم سوف ينتج جيل سوى سعيد قادر على العطاء. ..
….فأرجوا أن تتجاوبوا مع هذه المحاضرات. …والعمل بها. ..حتى يتحقق هدفنا. .وهو اسعاد الاسره وتربيه سليمه للأولاد. …
….وعايزين أيضا نتفاعل مع المحاضرات لأن الغرض منها الافاده للجميع. ..


..? كلما أحزنك زوجك..اذهبي إلى حبيبك ?..

………..
ساخبركم بقصة عن امراة?
تتحدث فيه عن معاناتها التي استمرت سنوات طويلة من زواجها ، ?

وكيف أنها تلوذ بالصبر على كل ماكانت تلقاه من زوجها
الذي قالت أنه يدقق ويتابع كل شيء ، ويسأل عن كل صغيرة وكبيرة ،
فهو لا يتغاضى ،?
ولا يتسامح ، ولا يلين …

?ذكرت أنها كثيرا ماكانت تشعر برغبة? في ترك كل شيء ، البيت والأولاد والزوج ولكن إلى أين

لم تكن تدري كل ما كان يملأ نفسها شعور بأنها ماعادت قادرة على الصبر ،? وأن الأعباء ماعادت محتملة لديها ، وأن طاقة التصبر عندها وصلت حدها .?

?سألتها أن تحادثني عن زوجها غير ماذكرته عنه من تدقيق وتفتيش ومتابعة وعدم مسامحة ؛

?فقالت إنه قاس ، لسانه حاد ،?

لا أسمع منه ثناء عليَّ، أو على طبخي ،
أو على تربية أبنائي ،
لا أسمع منه كلمة حب أو عطف أو حنان?
لقد تعبت، تعبت، تعبت ?.
لا أعني تعب الجسد فهذا أحتمله
وأصبر عليه ؛ إنما أعني تعب النفس ، تعب الأعصاب ، تعب الوجدان .

قلت لها هل جربت أن تكلمي أحدا
من أهلك أو من أهله ليراجعوه في ذلك وينصحوه،

?قالت فاتحت والدي فنفى كل شيء ، وقال إنه غير مقصر نحو بيته، ويوفر لنا كل ما نحتاجه .

هل رأيت إنه ينظر إلى الجوانب المادية
وأنا أريد الجوانب النفسية والعاطفية والروحية ?.

قلت لها هل تريدين نصيحتي

قالت لهذا فاتحتك بالأمر .
قلت : أعلم أن نصيحتي قد لا تلقى قبولا كبيرا في نفسك ،
لكني أرى العمل بها هو الأجدى والأربح .
قالت : تفضلي .

قلت : لو أراك الله ما أعد لك من أجر على صبرك واحتسابك
لقلتي : أهذا كله لي ؟

?? لو رايتي مقعدك في الجنة
جزاء احتمالك ما تلقينه من عنت زوجك وشدته وقسوته وجفافه

?ثم سئلتك : ما رأيك لو جعلنا لك زوجك مثلما تريدين .. ولكننا سننقص من أجرك .. وننزلك إلى مرتبة أدنى في الجنة ..

? لربما قلتي : لا لا لا..

?أصبر على زوجي فأبقوا على منزلتي هذه في الجنة …

هنا سمعت صوت بكاءها ?بسبب تأثرها مما سمعته من كلام..

فقلت لها : الان أيهما تفضلين ؟
أن يصلح الله زوجك ولكن منزلتك في الجنة ستكون أدنى ..

?أم تواصلين صبرك عليه مع علو منزلتك في الجنة ❓

صمتت ولم تجب ومازالت تبكي? ….

◀قلت لها : لا شك في أنك تفضلين أن يكون زوجك كما تريدين ، وأن تبقى منزلتك في الجنة ؛ ❗

?أي أن تظفري بالأمرين معا??.. ..

↩واصلت حديثي : هذا ما تتمناه كل زوجة

نعم ولكن✋❗ الله أقسم على أن يبلونا في هذه الحياة الدنيا ،

وفي الوقت نفسه بشرنا إذا صبرنا على هذا البلاء .
قال عز وجل {ولنبلونكم بشيء من الخوف والجوع ونقص من الأموال والأنفس والثمرات وبشر الصابرين * الذين إذا أصابتهم مصيبة قالوا إنا لله وإنا إليه راجعون * أولئك عليهم صلوات من ربهم ورحمة وأولئك هم المهتدون}

✒ عدت إلى سؤالها من جديد :

ماذا اخترت يا أختاه ؟❗

↔ قالت: لقد اخترت مواصلة الصبر?✋

ولكني أرجوك أن ترشديني? إلى ما يعينني على ذلك

◀قلت لها : بارك الله فيك? ?
لاختيارك مواصلة الصبر على زوجك .

أما ما يعينك على ذلك فهو التالي : ↪

◀كلما سمعت من زوجك ما آلمك واحزنك ، وكلما وجدت إعراضا وصدودا ، وكلما ضاقت الدنيا عليك من شدة زوجك وقسوته ..

اذهبي إلى حبيبك ?
نعم حبيبك واشكي زوجك إليه !

? قاطعتني مستنكرة :
وانا مالي حبيب ؟

?✋ قلت لها بلى لا تتعجلي !

? أليس الله حبيبك ؟
? ألا تحبين الله تعالى ؟
??قالت : بلى أحبه ….

? قلت إذن الجئي اليه سبحانه ،
وناجيه جل شأنه ..
…..عليكى بالدعاء. …..والأذكار ألا بذكر الله تطمئن القلوب واستغفريه. …….أكثرى من الاستغفار. …..

ليس فقط تطبق هذه الخطه والوسيله مع الزوج، ?✋

??بل في كل ظروف الحياة .. وانه يجب على الأنسان المسلم احتساب الأجر عند الله سبحانه وتعالى ..
كثيرا من الناس يعاني مشاكلا اسريه،
مع زوجته او زوجها،او مع احد الاولاد، مع احد الوالدين، مع عائلتها .. وغيره الكثير ..
ولكن الصبر والإحتساب مطلب
في كل الأوقات العصيبه ..?

اسال الله لي ولكم حياة
ملئها السعادة والراااحة
والسكينه والهدوء والاستقرار
بقرب من تحبون?…..??

عن كيف تسعدى نفسك. ..حتى تستطيعى أن تسعدى أسرتك

….من أسباب سعادتك أن تحافظى على رشاقتك
#####
….كيف تحافظى على رشاقتك. ..
….كثيرات من الأمهات تنسى نفسها
وتنشغل بالاولاد وشغلها وشغل البيت
وتنسى نفسها. ….وفجأة تجد وزنها زاد. ..وتجد ملابسها قد ضاقت عليها. ….وهناك أمهات تبدأ فى عمل رجيم. …..و أخريات تأخذها الحياه وتنسى نفسها وتستمر الزياده فى وزنها. ..
….لذلك انا اخترت هذا الموضوع للتحدث معكم فيه. …
..لأن زياده الوزن هذه لها آثار سيئه عليكى….
…أولها تؤثر على صحتك تؤثر على القلب. .وعلى الكبد. ..وعلى الركب. ..وتسبب أمراض السكر والقلب وزيادة الكلسترول فى الدم. ..وأشياء أخرى كثيره لا حصر لها. .
…ولا تنسى أن زوجك بيحبك رشيقه
ولا يحب الزوجه البدينه فعليكى أن تكونى جميله رقيقه ذات قوام مناسب

.أيتها الزوجه الحميله…ابدءى خطوات جاده حتى تتخلصى من هذه الزياده فى الوزن. ..
….وانا لا أوافق أن تقومى بعمل رجيم قاسى. ….ولكن تخلصى من وزنك الزائد بأن تبدأى فى تنظيم طعامك. ..
….أكثرى من السلطات. ..والفاكهه ذات السعرات القليله مثل البرتقال والجوافه..والتفاح والكمثرى. .
تناولى وجباتك على شكل وجباتك على لقيمات حيث نظام اللقيمات سنه عن رسولنا عليه السلام. …
…وذلك بتناول وجبة صغيره كل 3 أو 4 ساعات. ..تناولى كل الأغذية بدون حرمان ولكن بكميات محدوده. .

…مع وجود وجبة الغدا. .وهى تشمل كل العناصر الغذائيه فى حدود
….قللى الدهون. ..

الرياضه. .
####
مهمه جدا للحفاظ على رشاقتك وسلامه جسمك

.ممارسه الرياضه يعطى لكى شعور بالسعاده لأنك تشعرى انك بتعملى شىء خاص بكى. ..
….وممارسة الرياضة يحسن المزاج. .
..ممكن تمارسى الرياضه فى المنزل بعض تمرينات السويدى. ..لمدة خمس دقائق يوميا تزداد بالتدريج حتى ربع ساعه. ..واجعلى أولادك يمارسوا معكى نفس التمرينات وكونى انتى الكابتن لهم. …..وذلك سوف يسعدك ويسعدهم جدا …
ومهم جدا المشى كل يوم أو حتى 3 مرات فى الاسبوع لمدة نصف ساعه ….
…والماء مهم جدا. ..كوب ونصف ماء على الريق. ..وكوب ماء قبل كل وجبه
حوالى 12 كوب ماء يوميا مهم جدا لسلامه الكلى وتخليص الجسم من السموم …….ومهم جدا لصحتك
…ثانيا. ..
####
من أهم أسباب سعادتك أن تكون لكى

هوايه جميله تحبيها. ..
#####

….ارجعى بذاكرتك أيام قبل الزواج. …..اكيد كان لكى هوايات واهتمامات
….ولكن انشغالك ب الأولاد شغلك عن هذه الهوايات. ….ارجعى إلى الاهتمام بهوايات. ..واجعلى لأولادك هوايات. …ممنوع تقولى ليس عندى وقت. ..ممكن تمارسى هوايات ربع ساعه أو نصف ساعة يوميا أو كل يومين. ..
….مثلا لو بتحبى القراءه. ..اقرءى ربع ساعه فقط فى اليوم قبل النوم. …وخلال شهرين ستكونى قرأتى الكتاب كله. ..
….وكذلك لو بتحبى الكروشيه. .ابدءى اشتغلى مفرش أو جيليه لاولادك. ..أو أى شىء تحبيه. ..كما اتفقنا مشوار الألف ميل يبدأ بخطوة. ..كل يوم ربع ساعه سوف تنجزى أشياء فنيه جميله تسعدك وتدخل البهجة على نفسك…..

إذا كنتى تتمنى حفظ القرآن
…ابدءى فورا ولا تقولى ليس عندى وقت. ..آيه يوميا. .أو ربع كل أسبوع تحفظيه سوف يسعدك يطمئن قلبك ويسعدك وينشر البركه فى بيتك. ..أو ممكن تحفظى القرآن مع أولادك. وتسمعى لهم ويسمعوا لكى وتشجعوا بعض وتزداد الصله بينكم. ..

.وهكذا ممكن تمارسى هويتك. ..وتستقطعى دقائق من اليوم تسعدك ولن تؤثر على وقتك في رعاية أسرتك…بل على العكس سوف تعطيكى طاقه ايجابيه تجعلك أكثر حيويه وقدره على العطاء

…إلى اللقاء فى الحلقه القادمه
…كيف تقضى وقت جميل مع أولادك وسط الطبيعه.. ..وكيف تعودى أولادك وزوجك يساعدوكى فى شغل البيت..وغيرها من أساليب السعاده. ..


قواعد النظافة الشخصية والصحية للأولاد :
تنظيف أذن الولد
تقوم الأذن بإفراز مادة شمعية ، ولكن الإفرازات الزائدة من تلك المادة تصبح جافة ، ولكن لا ينبغي عند تنظيف أذن الطفل استعمال أعواد الأذن فقد تتسبب في تلف طبلة الأذن ، بدلا عن ذلك يمكن استعمال قطعة من القماش مبللة بالماء الدافئ لمسح الأذن من الخارج .
تنظيف الأسنان
يحتاج الأولاد لبدء استعمال فرشاة الأسنان مبكرًا قبل اكتمال نمو أسنانهم ، وهذا يعني أنك بحاجة لفرشاة أسنان مرنة مع شعيرات ناعمة مع الماء وليس معجون الأسنان في البداية ، يمكن استعمال معجون الأسنان بعد سنة كاملة من تعليم الطفل كي يستطيع التحمل من دون التقيّؤ ، كما ينصح بتغسل أسنان الطفل مرتين يوميا ، مع التركيز على غسيل الأسنان قبل النوم .
استحمام الولد
يكره بعض الأولاد الاستحمام ، يمكن التغلب على ذلك من خلال وضع دمية ابنك المفضلة في حوض الاستحمام ، استعمال شامبو مخصص للأطفال ، تغيير نوع الصابون المستخدم ، والقيام بكل ما يلزم لجعل الطفل يستمتع أثناء الاستحمام ، كما يمكنك ايضا مكافأته بعد الاستحمام كوسيلة لتحفيزه .
غسل اليدين
غسل اليدين هي عادة لابد ان يكررها الولد عدة مرات خلال اليوم ، لذلك من المهم تعليمه متى يكون غسيل اليدين ضرورة ، فعلى سبيل المثال ، بعد استعمال المرحاض ، عند العودة من المدرسة إلى المنزل ، وقبل الأكل ، كما لابد من تعريف الطفل أن غسل اليدين بالصابون أو سائل غسيل اليدين يساعد على التخلص من الجراثيم ، والتي لا يمكن قتلها بالماء فقط .
استخدام مطهر اليدين
في بعض الأحيان عندما يكون الصابون والماء غير متوفرين ، لابد من تعليم الطفل استعمال مطهر اليدين ، فبمجرد وضع كمية بسيطة على يد الولد وفركها ، سيساعد ذلك على التخلص من الجراثيم مع الاحتفاظ برائحة جميلة لليدين ،
ارتداء ملابس داخلية نظيفة
مع ارتفاع درجة الحرارة ، وممارسة الطفل للعديد من الأنشطة ، يحتاج لتبديل ملابسه الداخلية لمرتين خلال اليوم ، لذلك يجب عليك توفير ملابس داخلية نظيفة لابنك دائمًا مع تنبيهه لأهمية ارتداء ملابس داخلية نظيفة دائمًا .
استخدام المناديل الورقية
عند اصابة ولدك بنزلات البرد والرشح ، يجب الاهتمام بوضع مناديل ورقية في جيب قميصه كي يكون من السهل عليه استعمالها ، فمن الممكن أن تصيب إفرازات الأنف الأولاد الآخرين ، لذلك من الضروري تعليم ابنك مسح أنفه بالمناديل الورقية كلما كان ذلك ضروريا مع غسل يديه من آنٍ إلى آخر .
وضع غطاء المرحاض بعد استعماله
يحتوي المرحاض على الكثير من الجراثيم التي قد تلوث معجون الأسنان او الفرشاة ، لذلك ، علمي ابنك وضع غطاء المرحاض بعد استعماله دائمًا .
الابتعاد عن العادات السيئة
إن كان طفلك يمارس بعض العادات السيئة كمصّ إبهامه أو فرك عينيه بشكل دائم ، يمكنك إبعاد أصابعه عن فمه برفق في كل مرة يفعلها ، كما يمكن أيضًا إلهاء الولد عن تلك العادة من خلال تقديم لعبته المفضلة أو مشاركته قراءة كتابه المفضل ، وعليك أن تعلمي أنه كلما زادت ممارسة تلك العادات الخاطئة ، زاد تعلق طفلك بها وأصبح من الصعب إيقافها .
وعلينا أن نتذكر أن الأباء والأمهات هم القدوة الأولى لأبنائهم ، فالأطفال عادةً ما يقومون تلقائيا بتقليد جميع العادات التي يمارسها الأهل ، لذلك علينا أن نتبع العادات الصحية التي نرغب في تعليمها لأبنائنا.

الاتفاق بين الوالدين على تحديد السلوك الجيد والسلوك السيء
يختلف كثير من الاباء على تحديد السلوك المرغوب فيه الذي يجب على الاولاد الالتزام به او تحديد السلوك غير المرغوب فيه الذي يجب على الأولاد البعد عنه. وينطلقون في اختلافاتهم هذه من منطلقات عدة منها العادات والتقاليد والرأي العام السائد، والانظمة والقوانين المعمول بها، وقد ينطلقون من خلال نظرتهم للحياة وتفسيرهم للخير والشر والحسن والقبح فيحكمون على الاشياء والافعال خيرا او شرا حسنا او قبحا من خلال حبهم او كراهيتهم لهذه الاشياء والافعال، فما يحبونه يصفونه بالجيد وما يكرهونه يصفونه بالقبيح.
او قد ينطلقون في احكامهم من خلال النفع والضرر الذي يصيبهم، فاذا عاد عليهم الشيء او الفعل بالفائدة حكموا عليه بالحسن والصلاح واذا عاد عليهم بالضرر وصفوه بالقبح والسوء. ومثل هذه الاحكام عرضة للاختلاف والتناقض والتفاوت والتأثر بالبيئة والظروف.

1- الاختلاف يتمثل في ان يحكم الاب على سلوك ما بانه جيد بينما تحكم الام عليه بانه سيء، كأن يرى الاب ان كثرة مشاكل ابنه مع ابناء الجيران دليل القوة والرجولة بينما ترى الام عكس ذلك.

2- التناقض نتيجة لنقص المعلومات عن موضوع ما، فقد يكون لدى الام معلومات عن انواع الطعام الصحي وكيفية تناوله اكثر مما لدى الاب، فاذا حاولت الام ان تفرض على الابناء نمطا معينا في الطعام والشراب قام الاب بنسفه.

3- التفاوت ويعني التفاوت في القدرة على ادراك الواقع بالربط بينه وبين المعلومات ،نتيجة الفروق الفردية بين الاباء في الذكاء وتحصيل المعلومات وسلامة الحواس والاعصاب وبالتالي تفاوت الاحكام الصادرة ، كأن ترى الام دراسة ابنها في الفرع الادبي هو الافضل له مستقبلا بينما يرى الاب ان دراسة ابنه في الفرع العلمي هو الافضل له في المستقبل والمناسب لقدراته في الحاضر.

4- التأثر بالبيئة والظروف ، تختلف الاحكام تبعا للبيئة التي نشأ فيها الآباء ، فقد يرى الاب ان لعب ابنته الصغيرة مع
الاولاد في الشارع عيبا ومخالفا للأعراف والتقاليد، بينما ترى الام ان لعبها ضروري لبناء جسمها.

كيف تكون المرأة خير متاع في الحياة؟

? تعينه على بر أمه:
فمن بر الزوجة المسلمة لزوجها إكرام أمه، واحترامها، وتقديرها؛ لأنها تدرك أن أعظم الناس حقًا على الرجل أمه، فهي تعينه على إكرام أمه، وبرها، بإكرامها هي أيضاً، وبرها لأمه، وبذلك تكون محسنة لنفسها، ومحسنة لزوجها، ومعينة على البر والتقوى، والعمل الصالح الذي أمر به الله ورسوله، وتكون في الوقت نفسه امرأة حبيبة إلى قلب زوجها الذي يقدر إكرامها، وبرها لأهله عامة، ولأمه خاصة.

❤️? مطيعة زوجها بارة به:
تتفنن في ارضائه وتجتنب ما يبغضه
والمرأة المسلمة الراشدة مطيعة زوجها دوماً في غير معصية، بارة به حريصة على إرضائه، وإدخال السرور على نفسه.

ولو كان فقيراً معسراً، لا تتذمر من ضيق ذات اليد، ولا تضيق ذرعاً بأعمال البيت، وتذكر أن عدداً من فضليات النساء في التاريخ الإسلامي كن مثالاً في الصبر، والإحسان، والمروءة، والمعروف في خدمة أزواجهن، وبيوتهن.كيف تكون المرأة خير متاع في الحياة؟

❤️? لا تفشي له سراً:
والمرأة المسلمة التقية لا تنشر سر زوجها، ولا تتحدث إلى أحد بما يكون بينه وبينها،

قال رسول الله -صلى الله عليه وسلم-

(إن من أشر الناس عند الله منزلة يوم القيامة الرجل يفضي إلى امرأته وتفضي إليه ثم ينشر سرها)

لماتيجي تسلقي الفرخه ابشري بصله وحطي عليها ملح وفلفل اسود وادعكي بيهم الفرخه من بره وجوه وبعدين حطيها تتسلق هتلاقي طعمها تحححفه ومفيهاش ريحة زفارة
لما تيجي تقلي بطاطس لو عايزاها مقرمشه انقعيها في ميه وملح وخل قبل ماتعمليها بساعتين علي الاقل هتطلع مقرمشة وجميله
الرز عشان يبقي مفرفر وميعجنش قلبيه في السمنه او الزيت كتير يتشوح افضلي قلبي فيه لحد ما كل حبة رز تتغلف بالمادة الدهنيه وبعدين ضيفي الميه والملح
وانتي بتغسلي وشك الصبح شوية صابون في ايدك وسلك مخصص للحمام وانضفي الحوض ورشي مطهر ع الارض وشوية ميه وشديه بالمساحه هيبقي فله
متركنيش الغسيل خالص اغسلي حتي كل يومين مش هتزهقي وهتخلصي بسرعه
بعد ماتخلصي المواعين هاتي الفوط اللي بتمسكي بيها الحلل واغسليها بصابون وعلقيها هتبقي نضيفه لما تيجي تستخدميها تاني
نبص لنفسنا شوية بقي ?
قبل ماتنامي ادهني وشك زيت زيتون وبعد نص ساعه ادعكي نص لمونة علي وشك وبعدين اشطفيه بماء فاتر وحطي ماء ورد هتلاقي وشك منووور ?
لو مبتعرفيش تلفي شعرك طقيه زي حالاتي هاتيه كله علي قدام كحكه علي راي اخواتي ايه الكلوب اللي عاملاه ده هههههه سبيه كده ساعه اتنين تلاته انا بسيبه وقت طويل علي ما اخلص اللي ورايا وبعدين فكيه وسرحيه هتلاقيه مفرود وجمييل
عايزة زيت الشعر يجيب نتيجه دلكيه علي فروة الراس
ع الجانب الاخر ?
متاخريش صلاتك ابدااا اول ماتسمعي الاذان صلي علي طول ده ربنا بينادي علينا يبقي نسيب اللي في ايدينا ونروحله
ةياريت يبقي جنبك مصحف وكل ماتصلي اقراي 5ايات يعني اخر اليوم هتكوني قراتي 25 ايه
رايحه فين ايوه أنتى شوفتك قرأتي اكتبي بقي دعوه حلوه منك ليا وربنا يجعله في ميزان حسناتنا جميعآ

من اكتر شكاوي الستات ..انهم مش لاقين وقت يهتموا بنفسهم .. تعالي كدة نبسط الموضوع علي نفسنا ونتعود علي شوية حاجات نعملها باستمرار .
1 – لبس النوم ..يتقلع قبل ما تخرجي من الاوضة ونلبس لبس قطن مريح نعرف نتحرك بيه .
2 – شعرنا يا جماعة ..نسرحوا علي الاقل مرة في اليوم بلاش بقالي اسبوع محطتش في مشط و يستحسن يكون مشط خشب ..
دي هي دقيقة كل يوم .
3 – ايدي ناشفة من كتر المواعين والمية والصابون ..طيب ممكن تحطي علبة كريم صغيرة جنبك في المطبخ عشان متنسيش نفسك وكل ما تنشفي ايدك تحطي كريم ..برده مش هياخد منك دقيقة . عندك كريم جليسوليد تحفة و لو عليه عصرة ليمونة يفتح كمان و يا سلام لو عليه حبايتين فيتامين سي من الصيدلية .. و ممكن نيفيا .. و دوف كمان للبشرة الدهنية كمان ..
4 – بعد ما تخلصي عصر الليمون ماترميهوش ..ادعكي بيه ايديك وبالذات ضوافرك و حواليها .
5 – لما تيجي تاخدي دش ..خدي معاكي شوية سكر وحطيهم ع الشاور جيل هتعملي اسكرب هايل بأقل تكلفة واقل وقت . طرق الاسكرابات الطبيعية كلها موجودة في نفس الألبوم لو عايزة تغيري ?
6- خلي دايما في الحمام أو ع التسريحة كيس قطن و مية ورد .. ونضفي بيهم وشك مرة في اليوم .
7- جنب سريرك خلي دايما علبة كريم او فازلين او امبوبة بانثينول وحطي علي ايدك و كعب رجلك و الركبتين قبل ما تنامي وياريت لو لبستي شراب هتصحي تلاقيها ناعمة جدا .
8 – مرة في الاسبوع حطي شوية زيت زيتون علي شعرك قبل ما تدخلي تاخدي دش هيغذية ويطريه جدا ده غير وصفاتنا اللي قولنا عليها و لسه بنقول عليها و لو ماشية على زيوت معينة وصفناها و ملاحظة نتيجة إستمري عليها .
9-?حبى نفسك?
?اول حد الصبح تصبحي عليه هو انتى ..بصي لنفسك ف المراية واضحكى وقولى لنفسك كلام حلو ودلعب نفسك
?لما تيجى تحطى لنفسك اكل او تعملى شاى او قهوة ،اختارى احسن طبق واشيك مج ..مش خساره فيكى انتى تستاهلى ?
?اعملى لنفسك روتين جمالى يومى ..اغسلى وشك بمنظف..وبعدين رشى ميه ورد ..ولما تنشف حطى كريم مرطب ،اعمليه مره الصبح ومره بليل و جيبي زيوت معطرة من العطار و غيريها كل فترة و إهتمي بجسمك و شعرك و جربي وصفاتنا اللي تريحك ..
?حبى نفسك ..وفرحيها
?اعملى روتين اسبوعى ..ماسك ..اسكرب ..حمام عطرى
وروتين شهرى …حمام مغربى ..وحمام عطرى و عيشي بقى حتى لو مش عروسة ..
?حبى نفسك… وقدريها
?اشربى 3 لتر ميه ف اليوم وشك و جسمك هيتغير تغيير ملحوظ بيها و جلدك هيستفاد ..
?حبى نفسك …واهتمى بيها ?
نعمل اسكراب من زيت الزيتون والسكر والليمون علي الوجه مره في الاسبوع رائع. بس بلاش لأصحاب البشرة الحساسه
القهوه كمان ياجماعه رائعه جداً لو خلطيها بزيت زيتون والترمس المطحون وماء الورد وتعملي اسكرب مره في الاسبوع
او ممكن الاكتفاء بالقهوة وزيت الزيتون بتفتح و تشيل العلامات البيضا او علامات الولادة او علامات التمدد الجلدي …
الهالات السودا جربي الخيار أو الشاي الأخضر جميل .
اخلطي زيت الزيتون،مع اي كريم،وحطيه علي جسمك بس يكون اللوشن او الكريم ليه ريحه،حلوه لتغذية البشره..
.
بعد الشاور ادهني مخمرية للجسم بيدي ريحة روعة وثبات طول اليوم..ومرة كل اسبوع عمل.حمام مغربي والليفة المغربية بياض ونعومة..وعمل حمام زيوت وكريم قبل الشاور للشعر مرة اسبوعيا
كل خطوة من اللي فاتت دي مش بتاخد اكتر من دقيقة ..يعني هي مسألة تعود مش اكتر
شاركينا رايك ????

Scroll To Top